台灣創業成本高嗎？
之前遇到準備做投資移民既朋友問里奧叔叔，系台灣創業成本高嗎？好似我咁做自己既品牌系咪要開工廠？600萬台幣既投資金額有用曬嗎？宣傳要點樣做？要請明星拍廣宣傳嗎？台灣人容易管理嗎？請人方便最低工資嗎？好多好多不同既問題………有關呢D問題，有機會識到你再分享。
正所謂萬丈高樓平地起，任何事情都可以一步一步慢慢黎，經過幾年既時間里奧都系由小小的規模做起，邊做邊學，盡管黎台灣之前都一直營商，但始終台灣對當時的我也是非常陌生，一切等於由零開始。
有好多人經常認為一定要賣獨家貨先有得做，里奧叔叔平時放假好鐘意飲翻兩杯，通常都會幫襯專賣洋酒既小店，洋酒既野咪又系間間賣既都一樣，咁點解又開到成行成市都系小店呢？
今日就借朋友呢間洋酒零售店黎分享一下，一間大約400呎既鋪位，加埋樓上400呎既倉庫，實而不華既裝修，記得開張打開門口既第一日已經不停有生意，有人行入店買野。
咁唔通一定要搵好旺既鋪位？非也，朋友當時揀選呢個位置系因為樓上全部都系民居，而且都系20層高的大樓，擺明就系想由街坊生意啦，街坊既要求好簡單，只要你價錢實在，做生意老實又客氣，好快系呢個社區就做出小小名氣。
服務系台灣好緊要既元素
台灣服務業出曬名👍👍👍，就算便利店好多都非常有禮貌，服務好亦寵壞了台灣人，為了競爭打鸁對手，各自都系出盡法寶提供方便服務，吸納自己一群「老顧客」，慢慢生意就會越做越好。
一個電話即送貨
住系呢間洋酒鋪附近既顧客真系幸福，里奧叔叔屋企週未經常有朋友到訪飲翻兩杯，有時候傾得開心會飲曬屋企D存貨，只需要打個電話就送貨到府上，為了keep住d鐘意飲酒既客，叫一支幾百蚊既都送貨，週未知道好多人會叫酒飲仲開到零晨01:00先收工，一間洋酒鋪做到好似一間流動酒吧咁，想生意唔好都幾難。
越做越大，一切由小店開始
里奧睇住佢地由零開始，一開始甚至連洋酒供應商都唔識一個，做到依家某些品牌既社區獨家代理，都系時間+努力既付出，服務和成本根本就無需要同香港比，因為根本系兩個世界。
所以，賣咩貨唔系重點，重點系你點樣賣，生意就系要識變通。
待續……平價鋪位沒人流就一定沒有生意？
想聽里奧分享多D有關我既台灣創業路同生活
🇹🇼請大家分享出去啦🇹🇼
記得like+follow呀
#投資移民
#里奧叔叔
#台灣移民
#台灣創業
Search